Kao un tungo’ na Mes Lepblo på’go na mes? Achokka’ gof ya-hu manaitai, ti hu tungo’ este asta ki manli’e’ yo’ post gi Bookstagram. Gi minigåhet, ti siña hu hasso todudu na silebrasion siha. Guaha silebrasion siha pot kada mes, kada simåna, yan kada diha buente! Lao annai manunungo’ yo’ nuebu na silebrasion lepblo, malago’ yo’ sumaonao an siña yo’. Achokka’ uttimo na simåna este gi October (hunggan, gof ñateng na taotao yo’) nihi ta silebra Mes Lepblo gi lengguahen Chamoru!

Håfa na ya-mu manaitai lepblo siha?

Para guahu, managradesi yo’ lepblo siha sa’ hu gof gosa humåhanao diferentes na lugåt, kulolo’ña i enkantao siha. Antes di lepblon Harry Potter (Hunggan, guaha tiempo antes di lepblon Harry Potter!) hu gosa i lihende siha ginen otro na tåno’. Manaitai yo’ lokkue’ lepblo siha ginen as C.S. Lewis, E. Nesbit, Edward Eager, yan otro na tituge’ famagu’on siha. Kao ya-mu i po’ema siha ginen as Shel Silverstein? Guiya i mas ya-hu na tituge’ po’ema annai påtgon yo’ sa’ gof na’chalek i tinige’-ña. Lao fantasy na klåsen lepblo i mas ya-hu sa’ ma fa’nå’gue’ yo’ guifi.

Guaha na biahi, mahålang yo’ as ayu na tiempo, annai mumalingu yo’ gi estoria siha ya maleffa yo’ todudu. Ti siña yo’ manaitai meggai på’go sa’ mampos tinane’ i lina’lå-hu. Lao annai siña yo’, manainaitai yo’ sa’ åmot-hu i lepblo siha. Yanggen makkat i lina’lå-hu, ma ayuyuda yo’ humasso håyi yo’ yan nina’siñå-hu.

Biba Mes Lepblo!

Pinila / Translation

Happy Book Month 2021

Do you know this month is Book Month? Although I really like reading, I did not know this until I saw a post on Bookstagram. In truth, I can’t remember all of the celebrations. There are celebrations for every month, every week, and probably for every day! But when I learn of a new book celebration, I want to join. Although this is the last week in October (yes, I am a very slow person), let’s celebrate Book Month in the Chamorro language.

Why do you like reading books?

For me, I appreciate books because I really enjoy going to different places, especially the magical ones. Before the Harry Potter books (Yes, there is a time before the Harry Potter books!) I enjoyed the legends from other countries. I also read books from C.S. Lewis, E. Nesbit, Edward Eager, and other children’s authors. Do you like the poems by Shel Silverstein? He was my favorite poet when I was a child because all of his writing is very funny. But my favorites were the fantasy books because they taught me how to dream.

Sometimes I miss that time, when I was reading more books. I can’t read a lot now because my life is very busy. But when I can, I read because books are my medicine. If life is difficult, they help me remember who I am and my strength.

Happy Book Month!