Mannge’ yu’ para inetnon praktika gi Såbalu. Hu tuge’ i memorihas-hu siha yan nengkånno gi kotturå-ta. Otro na taotao ha faisen yu’, “Håfa mås ya-mu na klasen nengkånno gi kotturå-ta?” Gof mappot i finaisen este sa’ guaha meggai mångnge’ na nengkånno gi kottura! Lao, Rosketti i mas ya-hu na fina’mames.

Kada biahi hu sasångan este, guaha este na ineppe: “Mampos ångglo’ i Rosketti! Kalang desietto gi halom pachot-mu!” Ai adai, tåya’ guinaiya para Rosketti.

Lao, ya-hu Rosketti sa’ gof mames yan mångnge’. Ga’o-ku i Rosketti sin gimen siha, lao maolek yan chå pat kafe. Guaha maolek na memorihas-hu yan Rosketti lokkue’: Annai påtgon yu’, humånao ham yan nana-hu biha para lisåyu giya Guåhan. Lao ti mangomprende yu’ sa’ lisåyu gi fino’ Chamoru. Umo’son yu’, lao hu hasso este: Guaha Rosketti! Annai monhåyan i lisåyu, hu chule’ i megegegegegai na Rosketti. Pues malågu yu’ ginen i lamasa. Ai adai, gof åguaguat na påtgon yu’.

Mumagof yu’ gi inetnon praktika sa’ otro na palao’an ha sangåni yu’, “Guaha memorihas-hu gi lisåyu giya Guåhan lokkue’!” Annai hu hungok este, bula minagof gi korason-hu.

Gof ya-hu i Rosketti, lao ti hu tungo’ fuma’tinas. Otro na palao’an ha sangåni i inetnon: “Egga’ i bideo para Rosketti gi Chagi Pay-Less. Gof maolek.” Bai hu chagi ayu!

Rosketti i mas ya-hu na fina’mames. Håfa iyo-mu?