Mangge’ yu’ katta para nanå-hu biha gi ma’posña na simåna. Hu tuge’ este para klås fino’ Chamoru, ya gof ya-hu este na tarehan guma’. Mahålang yu’ as nanå-hu biha, kada diha. Todu i tiempo. Ha na’puti i finatai-ña i korason-hu. Annai lå’la’ i nanå-hu biha, ha tuge’i yo’ katta siha. Magof yu’ sa’ hu tuge’ este para nana-hu biha. Gof espesiat i este para guahu sa’ i katta gi fino’ Chamoru.

2 Oktobre 2020

Håfa adai Grandma!

Håfa tatatmanu hao? Kada ha’åni mahålang yu’ nu hågu. Puti i korason-hu sa’ ti gaige hao guini. Lao, hu hahasso hao kada diha.

Gof estråñu i såkkan sa’ guaha pandemic. Sumåsaga yu’ gi halom gimå’-hu. Todu na diha, kada diha. Såfo yu’, lao didide’ na triste yu’ sa’ ti siña hu bisita i nana-hu yan i familiå-ta. Piligrosu i che’cho’-ña i nana-hu gi este na tiempo. Måhalang yu’ as familiå-ta. Tåya’ gupot siha gi pa’go na såkkan. Gof triste este.

Ti gof båba yu’, lao mappot i lina’lå-hu sa’ sesso gof malångu yu’. Kada simåna, guaha minalångu-hu. Sesso, puti i tahtaotao-hu ya ti hu tungo i hale’. Ti a’ayuda i mediku lokkue’. Lao, chumålek yu’ sa’ hu hasso i palabrås-mu siha: “Håfa chetnot-mu palao’an? Ai adai, biha hao!” Hunggan, biha yu’!

Dispensa yu’ pot fabot sa’ bula inigong-hu gi este na katta. Guaha minaolek gi lina’lå’-hu lokkue’. Manestutudia yu’ bisnes analytics. Gof magof yu’ sa’ hu dingu i eskuelan Divinity. Dinanche hao, Grandma. Ti gof maolek na Katoliku yu’. Dispensa yu’. Lao, gof interesånte i nuebu na program ya gof ya-hu i che’cho’. Mamå’titinas yu’ litråtun data siha. Mamå’tinas yu’ dashboard put atfabeton Chamoru lokkue’! Hu usa Python yan Tableau Public. 

Hu estutudia i fino’ Chamoru lokkue’. Kada simåna guaha klås fino’ Chamoru gi Zoom. Mae’stro si Dr. Michael Lujan Bevacqua. Gefpågo i lengguahi-ta. Gof manmalåte’ yan mamimbentibu i otro na estudiante siha. På’go, maolekña i Chamoru-hu. Lao, gof Amerikånu i bos-hu gi lengguahi-ta! Gof na’chalek este, lao hu pratitika i lengguahi-ta kada diha. Dispensa yu’ Grandma, ti dinanche hao. Hunggan, guaha meggai na che’cho’-hu gi fino’ Chamoru. Ya gof makkat este. Lao ti imposipble este. Siña hu eyak i fino’ Chamoru.

Si Yu’os Ma’åse Grandma. Mahålang yu’ nu hågu. Hu guaiya hao.